बिहानको भूकम्पको धक्काले पोखरामा घर भत्कियो

 

पोखरा – सोमवार विहान ५ बजेर २० मिनेटमा गएको भूकप्पले कास्कीको लेखनाथमा एक घर भत्किएको छ ।

लेखनाथका रुद्रमोहन भट्टराईको पुरानो घर भूकम्पले भत्किएको स्थानीय झलक ढुंङ्गानाले जानकारी दिएका छन् । भूकम्पले कास्कीमा अझै बढी क्षति भएको आँकलन गरिएपनि क्षतिको विवरण प्राप्त हुन बाँकी छ ।

कास्कीको उत्तरपूर्वी भूभागमा भूकम्पको महसुस बढी गरिएको स्थानीय नागरिकले बताएका छन् । भूकम्पको क्षतिको विवरण प्राप्त नभएको कास्की प्रहरीले जनाएको छ ।

विहानै गएको भूकम्पले निद्राबाट ब्युँझेकाहरु सुरक्षीत स्थानमा भागेका र निद्राबाट ब्यँुझिनसेका नागरिकहरु जर्फराउँदै उठेका थिए ।

सोमवार विहान रामेछाप र सोलुखुम्वु केन्द्र विन्दु बनाएर ५.६ रेक्टर स्केलको भूकम्प गएको राष्ट्रिय भूकम्प मापन केन्द्र लैन चौरले जनाएको छ ।

यो भूकम्प नयाँ नभई गतवर्ष गएको गोर्खा भूकम्प कै पराकम्प भएको केन्द्रले बताएको छ । भूकप्पको धक्का काठमाडौंसहित पोखरामा पनि महसुस गरिएको छ ।

अाजकाे राताे पाटिमा खबर छ ।