लमजुङबाट काठमाडौं जाँदै गरेका धादिङमा जीप दूर्घटना : ३ को मृत्यु

 धादिङमा जीप दूर्घटना, ३ को मृत्यु (विस्तृत)

काठमाडौं, १ पुस –धादिङमा शुक्रवार विहानै जीप दुर्घटना हुँदा ३ जनाको मृत्यु भएको छ । पृथ्वी राजमार्गस्थित धादिङको भूमिस्थान ६ कोइरालेमा विहान साढे ६ बजेतिर ग २ च ४५७२ नम्बरको स्कर्पिओ जिप दुर्घटना भएको धादिङका प्रहरी नायव उपरिक्षक दिपेन्द्र पञ्जियार थारूले लोकान्तरलाई जानकारी दिए ।

दुर्घटनामा परी मृत्यु हुनेमा लमजुङ चण्डिस्थानका विष्णु राउत र लमजुङ गाउँशहरका माधव धिताल रहेका प्रहरीले जनाएको छ । दुर्घटनामा परी मृत्यु हुने एक जनाको भने पहिचान हुन सकेको छैन । लमजुङबाट काठमाडौं जाँदै गरेका उक्त जीप सडकबाट करीव ८० फिट तल खसेको थारूले बताए । जीप दुर्घटनाको कारण भने खुल्न सकेको छैन ।
हाल उद्दार कार्य चलिरहेको प्रहरीले जनाएको छ । ‘मृत्यु भएकाहरूको पोष्टमार्टमका लागि धादिङ गजुरी अस्पतालमा लगिएको छ,’ प्रहरी नायव उपरिक्षक थारूले भने ।